Í augnablikinu klingja eggjastokkarnir í mér hærra en kirkjuklukkur!!!
Klukkan er að verða 8 á laugardagsmorgni. Ég er búin að sofa í kannski klukkutíma, vantar tvöfaldan skammt af koffíni.
En það er allt í lagi, því á gólfinu liggur lítið stelpuskott sem er gjörsamlega búin að bræða mig. Hún bara nagar dót og hjalar. Það er ekki búið að heyrast í henni síðan hún kom hingað um 6 leytið í gær.
Í síðustu viku var ég að knúsa 5 vikna nöfnuna mína hana Aríönnu Rakel. Ó mæ, litla yndi!
Núna er ég ein með 3 börn, 2 lítil hjón sem eru líklega bæði ofvirk og svo 7 mánaða lilluna sem er í fyrsta skipti í næturpössun. Þetta átti að vera skotheld getnaðarvörn fyrir mig næsta árið.
En neibb, þau eru sko ekki að standa sig í því. Litlu hjónin búin að vera rosa góð að leika sér og litla krúttið bara hjalar og brosir sætasta brosi í heimi.
Engar áhyggjur samt, þetta rennur af mér um leið og Diljá tekur næsta frekjukast, næst þegar ég pirra mig á litlu holunni sem ég bý í og næst þegar ég kemst ekki eitthvað því ég hef ekki pössun.
Enda er lífið orðið of ljúft til að klúðra því þegar ég er komin með pabbahelgar og skólabarn :D
Er samt að spá í að spyrja Freyju um uppskriftina að svona draumabarni, væri til í að nota hana eftir segjum svona 10 ár :)
6 ummæli:
hahaha 10 ár....elskan mín, þú átt eftir að koma með barn fyrr en það!
Líka 10 ár...kommon...37 ára....ertu þá ekki að fara frekar í Cosmopolitan vinkonuferðir til NY og svona, heldur en að vera að skipta á bleyjum og gefa brjóst??
Heyrðu góða, ertu að halda því fram að ég sé að verða gömul? ;)
við rakel höfum brennt okkur og förum næst súper skynsömu leiðina, eignumst barn eftir master, komnar með stöðugt húsnæði og monní, já og helst kannski karl
Hahaha kl.8 á laugardagsmorgni? Varstu svona þreytt að þú áttaðir þig ekki á því að það var kominn sunnudagur?
Vonandi mættirðu í skólann í dag ;)
Haha úps.
Iss piss karl eða ekki karl. Ég var nú með einn þannig síðast og ég hefði betur gert þetta bara ein.
En almennilegur karl er kostur :)
Ég er að spá í að spyrja Freyju hvort ég megi eiga lilluna hennar. Ætli hún segi já? ;)
Skrifa ummæli