Innrás paranna

Var að stela þessari mynd af skólavefnum hjá Klifurapanum.
Yup, apinn er officially orðin SKÓLAstelpa!!

Við Tinna erum miður okkar. Það er búið að eyðileggja hæðina okkar. Single mom hæðin okkar hefur verið hertekin af pörum með grenjandi ungabörn!!!
Í gær flutti inn fjórða parið með grenjandi ungabarn, sem þýðir að núna erum við Tinna tvær á móti 4!!
Fyrir nokkrum mánuðum þekkti ég alla á hæðinni minni, nú þekki ég engan nema Tinnu.

Leiðinda pör! Þau heilsa ekki, hafa engan áhuga á að kynnast manni og hvaða not höfum við fyrir grenjandi smákrakkana þeirra?! Ekki leika þau við skólaskvísurnar okkar.

Við Tinna bjuggum til plan til að losna við þau, með hjálp Kristrúnar.

1: Banka hjá þeim og tala um hrikalega silfurskottufaraldurinn hérna.
2: Segja þeim að hafa engar áhyggjur þó þau heyri læti í rörunum hérna, þetta eru bara húsrotturnar.
3: Senda á þau mail og vara við því að úlpugaurinn sé kominn aftur. Vara við því að hann sé stelsjúkur og stórhættulegur.
(Úlpugaurinn er róni sem að var röltandi á göngunum hérna síðustu tvo vetur. Saklaust grey sem vantaði bara stað til að sofa á.)
4. Halda hávært partý í minni íbúð og Tinnu og bjóða bara single liðinu í húsinu. Ja, og Kristrúnu elskunni.
5. Henda Sunnu og Diljá frammá gang í hvert skipti sem þær rífast.
6. Vara þau við að í fyrra hafi verið brotist inn hér á þriðju hæðinni og þau séu alls ekki save.

Við óskum eftir fleiri hugmyndum til að ná völdum á hæðinni okkar aftur. Allar tillögur vel þegnar!

P.s. Geitungar eru sjúkir í mig! Sjúúúúkir!!!
Um leið og ég opna gluggan keppast þeir um að komast hingað inn. Ég var að enda við að skella á nefið á einum.
Um daginn drap ég tvo hérna inni hjá mér og eina silfurskottu. Það var blóðugur dagur í 356.

Kv,
Morðinginn