Fróðleiksmoli dagsins

Öll þessi ungabörn sem fluttu hingað með öllum nýju grönnunum eru að virka sem fínasta getnaðarvörn fyrir mig. Mér finnst ég ekki heyra annað á göngunum en grátur, frekjuköst og "ó-ó".

Í hvert einasta skipti hugsa ég "aaahh, hvað ég er fegin að þetta er búið". En málið er að í framtíðinni langar mig alveg að eignast fleiri börn. Mig langar bara ekki í smábörn.

Hvernig fer ég að því að eignast barn sem er svona 3 ára? Eða kannski 4 ára....

Í gamla daga (þ.e. þegar við vorum apar) þá voru afkvæmin okkar ekki svona lítil og ósjálfbjarga við fæðingu. Og þau tóku svo sannalega ekki frekjuköst (enda ekki nógu gáfuð til þess).

Þegar að við fórum að ganga upprétt þá breyttist mjaðmagrindin samfara því, til þess að við gætum haldið jafnvægi á tveimur fótum. Við það minnkaði mjaðmagrindin og þar með fæðingarop kvenna. Náttúruval gerði það svo að verkum að börnin fæddust með tímanum minni þ.e. fyrr og því mun minna þroskuð.

Tek það fram að þetta gerðist auðvitað á mörg þúsundum ára tímabili. (Þýðir ekkert að labba á 4 fótum og búast við þroskuðu afkvæmi ;) )

Ætli það sé samt ekki skárra að skipta um bleyjur og gefa pela í 2 ár í stað þess að ganga á 4 fótum....

Ég verð nú líka að viðurkenna að þessi aldur er megasætur:

Þó svo að það fer miklu minni vinna í þennan aldur:

Þetta var fróðleiksmoli dagsins í boði mín og Magic af því einstaka tilefni að ég nenni ekki að læra.

Over and out